थप ५८६ मा कोरोना संक्रमण पुष्टि, संक्रमितको संख्या ७१७७ पुग्यो
काठमाडौँ। पछिल्लो २४ घण्टायता नेपालमा थप ५८६ जनामा कोरोना भाइरसको सङ्क्रमण पुष्टि भएको छ। देशका विभिन्न प्रयोगशालामा गरिएको परीक्षणका क्रममा थप ५८६ जनामा कोरोना भाइरसको सङ्क्रमण पोजेटिभ देखिएको स्वास्थ्य तथा जनसङ्ख्या मन्त्रालयले जानकारी दिएको हो। यो सँगै नेपालमा सङ्क्रमित हुनेको कुल सङ्ख्या ७१७७ पुगेको स्वास्थ्य मन्त्रालयले जनाएको छ।
यी मध्ये ४० जना महिला छन्। भने ५ सय ४६ जना पुरुष रहेका छन्। हालसम्म देशका ७३ जिल्लामा सङ्क्रमण देखिएको छ। नेपालमा बुधबारसम्म २० जनाको कोरोना सङ्क्रमणका कारण मृत्यु भएको मन्त्रालयले जनाएको छ।
