म्यानमारबाट स्वदेश फर्किए २६ नेपाली
काठमाण्डौ । कोरोना भाइरसको संक्रमणपछि उत्पन्न असहज परिस्थितिका कारण म्यानमारमा अलपत्र २६ जना नेपाली शुक्रबार स्वदेश फिर्ता भएका छन् ।
उनीहरू म्यानमार एयर फोर्सको चार्टर्ड विमानबाट काठमाडौं आएका हुन् ।साेही विमानले काठमाडौंमा अलपत्र परेका म्यानमारका ५३ जना नागरिकलाई फिर्ता लैजाने भएकाे छ । स्वदेश फर्केकालाई केही समय होल्डिङ सेन्टरमा राखी आ–आफ्नो प्रदेशमा पठाइने बताइएकाे छ ।
