आइसोलेसन र क्वारेन्टाइनमा रहेका दुई जनाको मृत्यु, स्वाब परीक्षण गरिँदै
काठमाडौं । डडेलधुरा र पाल्पामा क्वारेन्टाइनमा बसेका २ जनाको मृत्यु भएको छ । डडेलधुराको गन्यापधुरा गाउँपालिका असिग्रामस्थित आधाभूत विद्यालय रौनाकोटको क्वारेन्टाइनमा बसेकी एक महिलाको गएराती मृत्यु भएको छ ।
त्यस्तै भारतबाट फर्किएका पाल्पाको पूर्वखोला गाउँपालिकाका ४५ वर्षीय पुरुषको पनि पाल्पाको आइसोलेसन कक्षमा मृत्यु भएको छ ।
पाल्पाको युटाइटेड मिसन अस्पतालको आइसोलेसमा उनको हिजो मृत्यु भएको मिसन अस्पतालका प्रशासकीय अधिकृत जीवन भट्टराईले बताए ।
स्वास लिन समस्या भएपछि उनको मृत्यु भएको हो । उनको स्वाब परीक्षणका लागि भैरहवास्थित प्रयोगशालामा पठाइएको छ ।
