ताप्लेजुङ । ताप्लेजुङ स्थायी घर भएका एक गोरखा सैनिकको कोरोना संक्रमणका कारण निधन भएको छ ।
बेलायतमा रहेका ताप्लेजुङ मैवाखोला स्थायी घर भएका ७७ वर्षीय कर्णबहादुर राईको कोरोना संक्रमणका कारण ज्यान गएको हो ।
श्वासप्रश्वासको समस्या देखिएपछि मेडिस्टोन अस्पतालमा १० दिनअघि भर्ना गरिएका राईको उपचारका क्रममा निधन भएको लण्डनस्थित नेपाली दूतावासका प्रवक्ता शरदराज आरणले जानकारी दिए ।
राई विगत तीन वर्षदेखि बेलायतको मेडिस्टोनमा आफ्ना श्रीमती, एक छोरा र एक छोरीसहित बस्दै आएका थिए । हालसम्म बेलायतमा कोरोनाबाट मृत्यु हुने नेपालीको संख्या ४५ पुगेको छ ।
