ताप्लेजुङ नेपाल आदिवासी जनजाति पत्रकार महासंघमा फेम्बो

ताप्लेजुङ । नेपाल आदिवासी जनजाति पत्रकार महासंघ(फोनिज)ताप्लेजुङको छैटौं जिल्ला अधिबेशनले दिलकुमार फेम्बो लिम्बू अध्यक्ष रहेको नयाँ कार्य समिति सर्वसम्मत चयन गरेको छ ।

फोनिज ताप्लेजुङको उपाध्यक्षमा उदय खुदाङ,सचिवमा मनमाया(मनु)मावो लिम्बू,सहसचिवमा रञ्जना गुरुङ र कोषाध्यक्षमा शंकर शेर्पा चयन हुनु भएको छ । यस्तै सदस्यहरुमा बसन्त लाबुङ लिम्बू,दाखण्डु शेर्पा,तुलसी राई र फुर्वा शेर्पा चयन हुनु भएको छ । अधिबेशनले संघीय प्रतिनिधिहरुमा माला पालुङ्वा,दिनेश लिङखिम र तेञ्जिङ शेर्पालाई चयन गरेको छ । प्रादेशिक प्रतिनिधिहरुमा कृष्ण फुरुम्बो लिम्बू,गंगा लिङखिम,सहारा लङ्वा,सूर्यप्रसाद लिम्बू(आलोक) र सूर्य गुरुङलाई चयन गरिएको छ ।

फोनिजका जिल्ला उपाध्यक्ष तेञ्जिङ पाङ्कर्मा शेर्पाले स्वागत मन्तव्य व्यक्त गरेको अधिबेशनको उद्घाटन कार्यक्रम फोनिजका जिल्ला अध्यक्ष दिनेश लिङखिमको अध्यक्षतामा सम्पन्न भएको थियो ।