ताप्लेजुङमा देउसीभैलोका कार्यक्रम बेलुकी ९ बजेसम्म मात्र
ताप्लेजुङ । जिल्ला प्रशासन कार्यालय ताप्लेजुङले ताप्लेजुङमा यस बर्ष बेलुकी ९ बजेसम्म देउसीभैलो खेल्न पाईने समय सिमा तोकेकोछ ।सहायक प्रमुख जिल्ला अधिकारी सन्दीपा खड्काले बुधवार सार्वजनिक सुचना जारी गरि समय सिमाभित्र मर्यादित ,अनुशासित तरिकाले चाडपर्वको अवस्मा देउसीभैलो कार्यक्रम सञ्चालन गर्न गराउन अनुरोध गर्नु भएकोछ । प्रशासन कार्यालयले उल्लेखित कुराको बर्खिलाप हुनगरी कोहि कसैले गतिविधि गरे गराएमा कानुन अनुसार हुने अवगत गराएकोछ । प्रशासन कार्यालयले कोहि कसैले कुनै अवाञ्छित गतिविधि गरे(गराएमा नजिकैको सुरक्षा निकाय वा जिल्ला प्रहरी कार्यालय वा १००,०२४–४६०१९९ मा सम्पर्क गरी जानकारी गराउन समेत अनुरोध समेत गरेकोछ ।
