ताप्लेजुङ फक्ताङ्लुङमा पहिरेले पुरिएर एकजनाको मृत्यु

ताप्लेजुङ ।ताप्लेजुङ को फक्ताङलुङमा पहिरोले पुरिएर एकजना कुकको मृत्यु भएको छ। कञ्चनजङ्गा बेस क्याम्पतर्फ ट्रेकिङका लागि जाने क्रममा फक्ताङ्लुङ गाउँपालिका ६ मा माथिबाट सुक्खा पहिरो खसेर पुरिएका एक युवको मृत्यु भएको हो।

जिल्ला प्रहरी कार्यालयका सूचना अधिकारी तथा प्रहरी निरीक्षक विवेक बस्नेतका अनुसार पहिरोमा परि संखुवासभाको सिलिन्चोक गाउँपालिका ५ का ४० वर्षीय टिकाबहादुर राईको मृत्यु भएको छ। आज बिहान करिब ९:३० बजे राईको घटनास्थलमै मृत्यु भएको प्रहरीले जनाएको छ।

कञ्चनजङ्गा बेस क्याम्प तर्फ हिँडेका तीनजना जापानीज नागरिक १३ जना भरिया र एक जना गाइडसहित १८ जनाको १८ टोली रहेको प्रहरीले जनाएको छ । पहिरोले पुरिए पछि लुमथुङ प्रहरी चौकीलाई खबर गरिएको थियो।

आवश्यक कानुनी प्रक्रिया पूरा गर्न र थप अनुसन्धानका लागि जिल्ला प्रहरी कार्यालय ताप्लेजुङबाट प्रहरीको टोली घटनास्थलतर्फ प्रस्थान गरेको जिल्ला प्रहरी कार्यालय ताप्लेजुङ ले जनाएको छ ।