ताप्लेजुङमा खोलाले बगाउँदा दुई बालबालिका बेपत्ता
ताप्लेजुङ । ताप्लेजुङको मैवाखोला गाउँपालिका वडा नं २ ढुङ्गेसागुमा मैवाखोलाले बगाउँदा दुई बालबालिका बेपत्ता भएका छन्।
जिल्ला प्रहरी कार्यालय ताप्लेजुङका सुचना अधिकारी तथा प्रहरी निरीक्षक विवेक बस्नेतका अनुसार मैवाखोला गाउँपालिका २ खानीका सन्जहाङ बराइलीका छोरा वर्ष ११ का सन्देश बराइली र सोही ठाउँ बस्नेरिन्जिन शेर्पाकी छोरी १२ बषिया आइतरानी शेर्पा मैवा खोलाको खार्ते स्थित दहमा पौडी खेल्ने क्रममा खोलाले बगाएर बेपत्ता भएका हुन् ।शुक्रबार दिउँसो २ बजेतिर बेपत्ता भएका बराइली र शेर्पासँगै उनका दाजु कुसुले शेर्पा समेत पौडी खेल्न गएका थिए।दुईजनालाई खोलाले बगाएपछि शेर्पाले घरमा आएर आफन्तलाई जानकारी गराएका थिए।इलाका प्रहरी कार्यालय दोभान र अस्थायी प्रहरी चौकी ढुङ्गेसाघुका प्रहरी र स्थानीयले बेपत्ता भएका बराइली र शेर्पाको खोजीमा रहेको जिल्ला प्रहरी कार्यालय ताप्लेजुङले जनाएको छ।
