ताप्लेजुङको मेरिङदेन १ मा छोराले गरे बाबुको हत्या
ताप्लेजुङ । ताप्लेजुङको मेरिङदेन गाउँपालिका वडा नं १ ओख्राबु बस्ने बर्ष ३० का सुमन लिम्बुले ५६ वर्षीय बाबु श्यामबहादुर लिम्बूलाई धारिलो हतियार प्रहार गरी हत्या गरेका छन् ।
जिल्ला प्रहरी कार्यालय ताप्लेजुङका प्रवक्ता तथा सुचना अधिकारी प्रहरी निरीक्षक विवेक बस्नेतका अनुसार विहिबार घरायसी विवाद भए पछि सुमनले आफ्नै बाबु श्यामबहादुरलाई घरमा रहेको बामफोक प्रहार गरी हत्या गरेका हुन् । हत्या गर्ने छोरा सुमनलाई प्रहरीले घटनास्थलबाटै पक्राउ गरेको प्रहरीले बताएकोछ ।
