प्रेस चौतारी ताप्लेजुङले तीन जना पत्रकारलाई पुरस्कृत गर्दै
काठमाडौ । यस बर्ष ताप्लेजुङका तीन जना पत्रकारहरु विभिन्न पत्रकारिता पुररकारबाट पुरस्कृत हुने भएको छ । प्रेस चौतारी नेपाल ताप्लेजुङले ताप्लेजुङमा कार्यरत तीन जना पत्रकारलाई पुरस्कृत गर्न लागेको हो ।
आँउदो आईतवार माघ २१ गते प्रेस चौतारी नेपालको स्थापना दिवसको अवसर पारेर ताप्लेजुङका तीन जना पत्रकारहरुलाई विभिन्न पुरस्कारबाट पुरस्कृत गर्न लागिएको प्रेस चौतारी नेपाल ताप्लेजुङले जनाएका छ ।
प्रेस चौतारी ताप्लेजुङ मंगलवार बसेको बैठकले यस बर्षको प्रेस चौतारी पत्रकारिता पुरस्कार पत्रकार महासंघका निर्वतमान सचिव रविन भट्टराई ,जयमती कर्ण बहादुर पत्रकारीता पुरस्कार नेपाल पत्रकार महासंघका पूर्व अध्यक्ष तथा नयाँपत्रिका दैनिकमा संवाददाता केशब भटटराई र अग्नि प्रसाद भिमादेबी पत्रकारीता पुरस्कार नेपाल पत्रकार महासंघका उपाध्यक्ष तथा रेडियो तमोरमा कार्यरत पत्रकार गंगा लिङखिमलाई दिने निर्णय गरेको हो ।चौतारीले स्थापना दिवसको अवसरमा नेकपा एमाले सचिव तथा प्रतिनिधिसभा सदस्य योगेश भट्टराईको प्रमुख आतिथ्यतामा कार्यक्रम गर्न लागेको हो ।
