कोरोना संक्रमित भन्दा डिस्चार्ज हुनेको संख्या धेरै
काठमाडौं – पछिल्लो २४ घण्टामा कोरोना भाइरस संक्रमित भन्दा निको हुनेको संख्या बढेको छ ।
स्वास्थ्य मन्त्रालयका अनुसार नेपालमा पछिल्लो २४ घण्टामा ६ हजार ६३६ जना संक्रमण मुक्त भएका छन् । यो सँगै कोरोना भाइरस संक्रमण पुष्टि हुनेको संख्या ३ हजार ४७९ जना रहेका छन् ।
यो संक्रमण पुष्टि हुनेको संख्या निको हुनेको भन्दा झण्डै आधा कम हो । पछिल्लो समय कोरोना भाइरस संक्रमण निको हुने दर बढेर ८३।५० प्रतिशत पुगेको छ ।
हालसम्म ४ लाख ९१ ह्जार ९ जनाले कोरोना संक्रमण परास्त गरी निको भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार ४७१ जनाको पीसीआर परीक्षण गर्दा ३ हजार २४ जनामा तथा ३ हजार २६२ जनाको एन्टिजेन परीक्षण गर्दा ४५५ जनामा संक्रमण पुष्टि भएको हो ।
त्यस्तै पछिल्लो २४ घण्टामा ९९ जनाको कोरोना संक्रमणका कारण मृत्यु भएको स्वास्थ्य मन्त्रालयले जनाएको छ । हालसम्म कोरोना भाइरस संक्रमणका कारण ७ हजार ८९८ जनाको मृत्यु भएको छ ।
