अष्ट्रेलियाले पठाएको स्वास्थ्य सामग्री नेपाली सेनालाई हस्तान्तरण
काठमाडौं । अष्ट्रेलिया सरकारले नेपाली सेनाका लागि पठाएको स्वास्थ्य सामग्री काठमाडौं आइपुगेको छ ।
शनिबार त्रिभुवन अन्तर्राष्ट्रिय विमानस्थलमा आयोजित एक कार्यक्रममा अष्ट्रेलियाका राजदूत फेलिसिटी जेन भोल्कले बलाधिकृत रथी प्रभुराम शर्मालाई हस्तान्तरण गरिन् ।
कोभिड–१९ बिरुद्ध लड्न नेपाली सेनाका स्वास्थ्यकर्मीका लागी आवश्यक स्वास्थ्य सामग्री अष्ट्रेलियन एयर फोर्सको जहाज मार्फत काठमाडौं ल्याइएको हो । बलाधिकृत रथी शर्माले अष्ट्रेलियाले गरेको सहयोग प्रति धन्यवाद ब्यक्त गरेका छन् ।
