ताप्लेजुङको हाङ्देवाका ९ सहित १० जनामा कोरोना संक्रमण पुष्टि
ताप्लेजुङ । ताप्लेजुङको फुङलिङ नगरपालिका स्थित हाङ्देवाका ९ सहित १० जनामा कोरोना संक्रमण पुष्टि भएको छ । शनिबार २ फलोअप सहित १ सय ७ जनाको एन्टिजेन परिक्षण भएकोमा १० जनाको रिपोर्ट पोजेटिभ आएको हो ।
फलोअप २ जनाको रिपोर्ट नेगेटिभ आएको फुङलिङ नगरपालिकाका मेयर छत्रपति प्याकुरेलले जानकारी दिनुभयो । नयाँ परीक्षण गरिएका ५८ पुरुषमा ५ र ४७ महिलामा ५ गरी १० जनाको रिर्पोट पोजेटिभ आएको प्याकुरेलको भनाई छ ।
पोजेटिभ देखिएका मध्ये ९ जना फुङलिङ नगरपालिका ९ हाङ्देवाका र १ जना वडा नम्बर ६ का रहेको समेत प्याकुरेलले जानकारी दिनुभयो ।
