नेपालमा ४ लाख ६१ हजार बढि कोरोनामुक्त, सक्रिय संक्रमित कति ?
काठमाडौं । नेपालमा ४ लाख ६१ हजार बढिले कोरोना भाइसको संक्रमण जितेका छन् । हिजोसम्मको रेकर्ड अनुसार संक्रमित मध्ये ८०.८२ प्रतिशत कोरोना सङ्क्रमणबाट मुक्त भएका हुन् ।
हिजोसम्ममा ४ लाख ६१ हजार ५६३ जना संक्रमण मुक्त भएका छन् । यो सँगै नेपालमा हाल सक्रिय सङ्क्रमितको संख्या १ लाख ९ हजार ५४८ जना रहेका छन् ।
नेपालमा कूल सङ्क्रमितको सङ्ख्या ५ लाख ७१ हजार १११ पुगेको छ । कोरोनाका कारण अहिले सम्म ७ हजार ५५५ जनाको मृत्यु भएको छ । नेपालमा कूल कोरोना संक्रमितमध्ये १.३२ प्रतिशतको मृत्यु भएको छ ।
