ताप्लेजुङमा ९६ जनाले कोरोना जिते
काठमाडौं । ताप्लेजुङमा बुधवार १० जना कोरोना मुत्त भएका छन । जिल्ला स्वास्थ्य कार्यालय ताप्लेजुङका कोभिड १९ फोकल पर्सन हेमराज कठायतका अनुसार बुधवार १० जना कोराना मुक्त सगै ताप्लेजुङका कोरोना संक्रमणबाट निको हुनेको संख्या ९६ पुगेको छ ।
त्यस्तै बुधवार नै ताप्लेजुङमा थप नयाँ १८ जनामा कोरोना संक्रमण पुष्टि भएको छ । बुधबार साँझ ५९ जनाको रिपोर्ट प्राप्त हुँदा ३ जनाको फलोअप सहित २१ जनामा संक्रमण पुष्टि भएको कठायतले जानकारी दिनुभयो । उहाँका अनुसार जिल्ला अस्पताल ताप्लेजुङबाट र फुङलिङ नगरपालिका ४ बालमन्दिरबाट स्वाब संकलन गरि पठाइएको १ सय ५९ जनाको मध्ये ५९ जनाको रिपोर्ट प्राप्त भएको हो । त्यस्तै जिल्लामा सक्रिय संक्रमितका संख्या ४७९ रहेको छ । अब थप २ सय १२ जनाको स्वाबको रिपोर्ट आउन बाँकी रहेको समेत उहाँले जानकारी दिनुभयो ।
यसैबीच मेरिङदेन गाउँपालिकामा बुधबार १९ महिला सहित ३८ जनाको स्वाब संकलन गरिएको छ । कोरोनासँग मिल्दोजुल्दो लक्षण देखिएका, संक्रमित व्यक्तिहरुको सम्पर्कमा आएकाहरुको स्वाब संकलन गरिएको कोभिड १९ फोकल पर्सन कठायतले बताउनुभयो ।
