फुङलिङ नगरपालिकामा आईतबार स्वाव संकलन गरिने
ताप्लेजुङ, वैशाख २५ गते । ताप्लेजुङको फुङलिङमा संक्रमितको सम्पर्कमा रहेका तथा कोरोना भाईरससँग मिल्दो जुल्दो लक्षण देखिएकाहरुको आईतबार स्वाब संकलन गरिने भएको छ ।
फुङलिङ नगरपालिकाले शनिबार सूचना जारी गर्दै संक्रमितको सम्पर्कमा रहेका र लक्षण देखिएकालाई आईतबार विहान ८ बजे बाल मन्दिर स्कुलमा जान आग्रह गरेको हो । तिव्र रुपमा फैलिरहेको कोरोना भाइरसलाई न्युनिकरण गर्न सम्पुर्ण नगरबासीलाई नेपाल सरकारले जारी गरेको स्वास्थ्य सुरक्षा सम्बन्धी मापदण्ड अनुसार सामाजिक दुरी कायम गर्ने, स्यानिटाइजर तथा माक्स अनिवार्य प्रयोग गर्ने, साबुन पानीले हात मिचीमिची धुने, भिडभाड नगर्न समेत सुचना जारी गर्दै अपिल गरेको छ ।
