पछिल्लो २४ घण्टामा थप २८२४ मा कोरोना पुष्टि, ३६२० डिस्चार्ज
काठमाडौं। नेपालमा पछिल्लो २४ घण्टामा थप २ हजार ८२४ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयले आइतबार प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले देशभरमा थप जनामा २ हजार ८२४ कोरोना भाइरसको संक्रमण देखिएको जानकारी दिए।
साथै पछिल्लो २४ घण्टामा काठमाडौं उपत्यकामा १६२२ कोरोना संक्रमित थपिएका छन्। काठमाडौंमा १ हजार ३ सय ६२, भक्तपुरमा ९६ र ललितपुरमा १६४ जना थप संक्रमित भेटिएको हो।
आज देशभरमा सक्रिय सङ्क्रमितको संख्या ३७ हजार ७६५ रहेको छ। पछिल्लो २४ घण्टामा थप १३ हजार २३ पीसीआर परीक्षण भएसँगै अहिलेसम्म भएको परीक्षणको संख्या १४ लख ५६ हजार ३६६ पुगेको छ।
मन्त्रालयका अनुसार पछिल्लो २४ घण्टामा थप ३ हजार ६२० जना कोरोना संक्रमित निको भएका छन्। योसँगै निको हुनेको संख्या १ लाख ३४ हजार ८४२ पुगेको छ।
यो कूल सङ्क्रमितको ७७.७ प्रतिशत हो।
