पछिल्लो २४ घण्टामा थप २३६४ कोरोना पुष्टि, ३०३८ डिस्चार्ज
काठमाडौं। नेपालमा पछिल्लो २४ घण्टामा १ हजार ९५४ जना कोरोना संक्रमित थपिएका छन्। योसँगै नेपालमा कुल सङ्क्रमितको संख्या १ लाख ६४ हजार ७१८ पुगेको छ।
कोरोनाबाट अत्यधिक प्रभावितहरूको सूचीमा नेपाल ३४ औं स्थानमा रहेको छ। स्वास्थ्य तथा जनसंख्या मन्त्रालयको विहीबार अपराह्नसम्मको अद्यावधिक विवरणअनुसार पछिल्लो २४ घण्टामा थप ३ हजार ३८ जना संक्रमित निको भएर घर फर्किएका छन्। अहिलेसम्म निको हुनेको संख्या १ लाख २४ हजार ८६२ पुगेको छ।
विहीबारसम्म नेपालमा सक्रिय सङ्क्रमितको संख्या ३८ हजार ९५२ रहेको छ। पछिल्लो २४ घण्टामा थप १७ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ९०४ पुगेको मन्त्रालयले जनाएको छ।
