उपत्यकामा १५५२ सहित थप ३६३७ मा कोरोना पुष्टि
निको हुनेको संख्या एक लाख नाघ्यो
काठमाडौं। पछिल्लो २४ घण्टामा ३ हजार ६३७ जनामा कोरोना भाइरस सङ्क्रमणको पुष्टि भएको छ।
देशभरका प्रयोगशालामा १५ हजार २५५ नमुना परीक्षण गर्दा उनीहरूमा संक्रमण पुष्टि भएको हो।नयाँ संक्रमितमध्ये १५५२ काठमाडौं उपत्यकाका छन्। जसमा काठमाडौंका १२८३, ललितपुरका १५७ र भक्तपुरका ११२ जना छन्।
यससँगै कुल सङ्क्रमितको संख्या १ लाख ४८ हजार ५०९ पुगेको छ। उनीहरुमध्ये ८१२ जनाको मृत्यु भएको छ भने १ लाख २ हजार ८२० जना संक्रमणमुक्त भएका छन्।पछिल्लो २४ घण्टामा मात्र ३२१५ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।
