उपत्यकामा १७०२ सहित थप ३०९३ जनामा कोरोना पुष्टि
काठमाडौं। पछिल्लो २४ घण्टामा थप ३०९३ जनामा कोरोना भाइरसको संक्रमण पुष्टि भएको छ।देशभरका प्रयोगशालामा १३ हजार ८६१ नमुना परीक्षण गर्दा उनीहरुमा संक्रमण पुष्टि भएको हो।
थपिएका संक्रमितमध्ये १७०२ उपत्यकाका छन्। स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले दिएको जानकारी अनुसार काठमाडौंमा १ हजार ४३१, भक्तपुरमा १४८ र ललितपुरमा १२३ संक्रमित थपिएका हुन्।
पछिल्लो २४ घण्टामा देशभर ३०९३ संक्रमित थपिएका छन् भने २१०८ जना डिस्चार्ज भएका छन्। थप ८ जनाको मृत्यु भएको छ।
योसँगै नेपालमा कोरोना संक्रमित संख्या एक लाख ३९ हजार १२९ पुगेको छ। संक्रमितमध्ये ९६ हजार ६०९ जना डिस्चार्ज भइसकेका छन्। मृतक संख्या ७६५ पुगेको छ।
