पछिल्लो २४ घण्टामा थप ३७९० जनामा कोरोना पुष्टि
उपत्यकाका थप २३८८ मा कोरोना पुष्टि
काठमाडौं। पछिल्लो २४ घण्टामा थप ३ हजार ७९० जनामा कोरोना भाइरसको संक्रमण पुष्टि भएको छ। देशभरका प्रयोगशालामा १५ हजार ७१४ नमुना परीक्षण गर्दा उनीहरुमा संक्रमण पुष्टि भएको हो।
थपिएका संक्रमितमध्ये २३८८ जना काठमाडौं उपत्यकाका छन्, जसमध्ये काठमाडौंका २००८ जना, ललितपुरका २८१ र भक्तपुरका ९९ जना छन्।
साथै पछिल्लो २४ घण्टामा २३ सय ३५ जना कोरोना संक्रमित निको भएका छन्। योसँगै, हालसम्म संक्रमणबाट निको हुनेको संख्या ९४ हजार ५०१ जना पुगेको छ। पछिल्लो २४ घण्टामा १८ जनाको ज्यान गएको छ।
नेपालमा कोरोनाबाट ज्यान गुमाउनेको संख्या अहिलेसम्म ७५७ जना पुगेको छ।
