पछिल्लो २४ घण्टामा थप २०७१ मा कोरोना पुष्टि
काठमाडौं। पछिल्लो २४ घण्टामा देशभर २०७१ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले थप १२ हजार ४२७ जनाको पीसीआर परीक्षण भएकोमा सो सङ्ख्यामा संक्रमण पुष्टि भएको बताए।
उनका अनुसार उपत्यकामा मात्रै पछिल्लो २४ घण्टामा थप १४१६ जनामा संक्रमण पुष्टि भएको छ। जसमा काठमाडौंमा ११४५, भक्तपुरमा ११० र ललितपुरमा १६१ जनामा संक्रमण पुष्टि भएको छ। प्रवक्ता गौतमका अनुसार आज देशभरमा सक्रिय सङ्क्रमितको संख्या ३१ हजार ३१५ रहेको छ। त्यस्तै १३ हजार ६४९ जना संस्थागत आइसोलेसनमा रहेका छन्। आज देशभरका प्रयोगशालमा थप १२ हजार ७२७ पीसीआर परीक्षण गरिएको थियो।
त्यस्तै पछिल्लो २४ घण्टामा थप १ हजार ५५२ जना कोरोना संक्रमित निको भएको प्रवक्ता गौतमले जानकारी दिए। योसँगै नेपालमा कोरोना संक्रमण निको हुनेको संख्या ७५ हजार ८०४ पुगेको छ।
यो कुल सङ्क्रमितको ७०.३ प्रतिशत हो।
