बिराटनगरमा थप दुई कोरोना संक्रमितको मृत्यु
बिराटनगर। नोबेल मेडिकल कलेज बिराटनगरमा उपचारत दुई जना कोरोना संक्रमितको मृत्यु भएको छ। मोरङ कानेपोखरी गाउँपालिका–६ र सुन्दरहरैचा नगरपालिका–४ का पुरुषको मृत्यु भएको हो।
कानेपोखरी गाउँपालिका–६ का ५० वर्षीय पुरुषको बिहान करिब ३ बजे मृत्यु भएको हो। मृतकमा पाँच बर्षदेखि ब्लड क्यान्सरको समस्या थियो। सोमबार दिउँसो उपचारका लागि नोबेल ल्याइएका उपचार गराइरहेका उनलाई कोरोना पुष्टि भएपछि आइसोलेसनको भेन्टिलेटरमा राखेर उपचार थालिएको थियो।
छ दिनअघि कोरोना पुष्टि भएका सुन्दरहरैचा नगरपालिका–४ का ४५ वर्षीय पुरुषको पनि मंगलबार बिहान मृत्यु भएको दाहालले बताए। मृतकमा मधुमेहको पुरानै समस्या थियो।
