पछिल्लो २४ घण्टामा थप २२५३ जनामा कोरोना पुष्टि, ७ को मृत्यु
काठमाडौं। पछिल्लो २४ घण्टामा देशभर थप २२५३ जनामा कोरोना भाइरस सङ्क्रमणको पुष्टि भएको छ। आइतबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले सो जानकारी दिएका हुन्।
उनले आज देशभर सक्रिय संक्रमित २२ हजार २१९ रहेका छन्। जसमा संस्थागत आइसोलेसनमा १० हजार ३२६ र होम आइसोलेसनमा ११ हजार ८९३ जना रहेका छन्। आज १२ हजार ७८४ जनाको पीसीआर भएको छ। मन्त्रालयका अनुसार आज १३२९ जना निको भएका छन्। यससँगै हालसम्म ६४०६९ जना संक्रमितलाई निको भएको छ।
थपिएका संक्रमितमध्ये काठमाडौंमा मात्रै एक हजार ३७३ जना रहेका छन्। यस्तै भक्तपुरमा ३९ र ललितपुरमा १८७ संक्रमित थपिएका छन्। त्यस्तै कोरोना संक्रमणबाट मृत्यु हुनेको संख्या ५३५ पुगेको छ। आज मात्र ७ जनाको मृत्यु भएको छ।
