नेपालमा थप १५ सय ५९ मा कोरोना पुष्टि
काठमाडौं। पछिल्लो २४ घन्टामा थप १५ सय ५९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमका अनुसार थप १५ सय ५९ जना संक्रमित थपिएसँगै कुल संक्रमितको संख्या ७७ हजार ८ सय १७ पुगेको छ।
साथै देशभर पछिल्लो २४ घण्टामा १ हजार ५७ संक्रमित कोरोना जितेर घर फर्किएका छन् भने निको हुनेको कुल संख्या ५६ हजार ४२८ पुगेको छ। त्यस्तै बितेको २४ घण्टामा नेपालमा थप सात जनाको कोरोना संक्रमणका कारण मृत्यु भएको छ।
स्वास्थ्य मन्त्रालयले मङ्गलवार अपराह्ण सार्वजनिक गरेको तथ्याङ्कमा उल्लेख गरे अनुसार नेपालमा अहिलेसम्म ४९८ सङ्क्रमितको मृत्यु भएको छ।
