नेपालमा थप १४ सय ९७ मा कोरोना पुष्टि, संक्रमितसंख्या ६९ हजार तीन सय
काठमाडौं। पछिल्लो २४ घण्टामा नेपालमा १४ सय ९७ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ११ हजार ४४९ जनाको पीसीआर परीक्षण गर्दा १४९७ जनामा कोरोना संक्रमण भएको हो। यो सँगैश हालसम्म देशभर संक्रमित हुनेको संख्या ६९ हजार तीन सय एक पुगेको छ।
पछिल्लो २४ घण्टामा कोरोना भाइरस संक्रमणमुक्त भई ४५७ जना डिस्चार्ज भएका छन्। बिहीबारसम्म ५० हजार ४११ जना कोरोनामुक्त भएका छन्। अब नेपालमा १८ हजार चार सय ३७ जना सक्रिय सङ्क्रमित आइसोलेसनमा रहेका छन्।
यस्तै ६ हजार पाँच सय ६५ जना क्वारेन्टाइनमा रहेको मन्त्रालयले जनाएको छ। साथै काठमाडौं उपत्यकामा बिहीबार थप सात सय ५५ जनामा कोरोना संक्रमण देखिएको छ।
स्वास्थ्य तथा जनसंख्या मन्त्रालयका अनुसार उपत्यकाको काठमाडौं जिल्लामा ६ सय नौ, ललितपुरमा ९५ र भक्तपुरमा ५१ जनामा संक्रमण देखिएको छ।
