नेपालमा थप ११७२ मा कोरोना पुष्टि, संक्रमित संख्या ६७८०४
काठमाडौं। पछिल्लो २४ घण्टामा ११७२ जनामा कोरोना भाइरस सङ्क्रमणको पुष्टि भएको छ। देशभरको प्रयोगशालामा ९४५९ नमुना परीक्षण गर्दा उनीहरूमा संक्रमण पुष्टि भएको हो।
यससँगै नेपालमा कोरोना संक्रमितको कुल संख्या ६७ हजार ८०४ पुगेको छ। यस्तै १८९३ जना संक्रमणमुक्त भएका छन्। यससँगै संक्रमणमुक्त हुनेको संख्या ४९ हजार ९५४ पुगेको छ।
साथै पछिल्लो २४ घण्टामा कोरोना संक्रमणका कारण थप ७ जनाको निधन भएको छ। योसँगै नेपालमा कुल ४३६ जना कोरोना संक्रमितको मृत्यु भइसकेको छ।
