विराट शिक्षण अस्पतालमा थप एक कोरोना सङ्क्रमितको मृत्यु
विराटनगर। मोरङस्थित विराट शिक्षण अस्पतालको आइसोलेसनमा उपचाररत कोरोना संक्रमित एक बृद्धको मृत्यु भएको छ।
बुढीगंगा गाँउपालिकास्थित अस्पतालमा झापा भद्रपुर ८ का ८६ वर्षीय बृद्धको मृत्यु भएको अस्पतालले जनाएको छ। अस्पतालका अनुसार उनको उपचारका क्रममा बुधबार बिहान ५ बजेर ५० मिनेटमा मृत्यु भएको हो।
भदौ ३ गते कोरोना भाइरससँग मिल्दो लक्षणसहित उपचारका लागि आइसीयूमा भर्ना गरिएको अस्पतालले जनाएको छ। सोही दिन बिरामी बृद्धको स्वाब नमूना संकलन गरी पठाउँदा ५ गते रिपोर्ट पोजिटिभ आएको थियो।
बृद्धमा महुमेहसँगै मिर्गौलाको पनि समस्या रहेको थियो। यससँगै प्रदेश १ मा हालसम्म ५७ जना सङ्क्रमितकोब मृत्यु भइसकेको छ। जसमा १७ महिला र ४० जना पुरुष रहेका छन्।
