नेपालमा थप १२४६ मा कोरोना पुष्टि, १२४३ जना डिस्चार्ज
काठमाडौं। पछिल्लो २४ घण्टामा १२४६ जनामा कोरोना भाइरसको संक्रमण पुष्टि भएको छ। देशभरका प्रयोगशालामा १० हजार ६४१ नमुना परीक्षण गर्दा उनीहरूमा संक्रमण पुष्टि भएको हो।
यससँगै कुल सङ्क्रमितको संख्या ५९ हजार ५७३ पुगेको छ। उनीहरुमध्ये ३८३ जनाको मृत्यु भएको छ भने ४२ हजार ९४९ जना संक्रमण मुक्त भएका छन्।
पछिल्लो २४ घण्टामा मात्र १२४३ जना डिस्चार्ज भएको स्वास्थ्य तथा जनसंख्या मन्त्रालयले जनाएको छ।
