नेपालमा थप १०३९ मा कोरोना पुष्टि
काठमाडौं। पछिल्लो २४ घण्टामा थप १०३९ जनामा कोरोना भाइरस (कोभिड-१९)को संक्रमण पुष्टि भएको छ। देशभरको प्रयोगशालामा ९ हजार १६५ नमुना परीक्षण गर्दा उनीहरूमा संक्रमण पुष्टि भएको हो।
परीक्षणका क्रममा थप एक हजार ३९ जनामा कोरोना संक्रमण फेला परेको स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले जानकारी दिएका छन्। योसहित नेपालमा कोरोना संक्रमितको संख्या ५४ हजार १५९ पुगेको छ।
पछिल्लो २४ घण्टामा थप १,१७३ जना कोरोना संक्रमणमुक्त भएका छन् । योसहित नेपालमा हालसम्म ३८ हजार ६९७ उपचारपछि निको भएका छन्। हाल देशभर सक्रिय संक्रमितको संख्या १५ हजार ११७ छ। ९ हजार १६५ सय जनाको आज पिसिआर परीक्षण भएको छ।
