नेपालमा थप १२ सय १ मा कोरोना पुष्टि
काठमाडौं। नेपालमा पछिल्लो २४ घण्टामा १ हजार २०१ जना कोरोना संक्रमित थपिएका छन्। योसँगै नेपालमा कुल सङ्क्रमितको संख्या ५३ हजार १२० पुगेको छ।
स्वास्थ्य तथा जनसंख्या मन्त्रालयको शनिबार आयोजित नियमित पत्रकार सम्मेलनमा प्रवक्ता डा। जागेश्वर गौतमले दिएको जानकारीका अनुसार पछिल्लो २४ घण्टामा थप ८५२ जना संक्रमित निको भएर घर फर्किएका छन्। अहिलेसम्म डिस्चार्ज हुनेको संख्या ३७ हजार ५२४ पुगेको छ।
शनिबारसम्म ६ हजार ३५४ जना क्वारेन्टाइनमा रहेका छन् भने १५ हजार २६० जना आइसोलेसनमा रहेका छन्। पछिल्लो २४ घण्टामा १० हजार १७६ नमूनाको पिसीआर विधिबाट परीक्षण भएको छ भने आजसम्म कुल ८ लाख ३१ हजार ३६२ नमूनाको पिसीआर परीक्षण सम्पन्न भएको छ।
थप १४ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ३३६ पुगेको मन्त्रालयले जनाएको छ।
