नेपालमा थप १४ सय ५४ मा कोरोना पुष्टि
काठमाडौं। नेपालमा पछिल्लो २४ घण्टामा थप १ हजार ४५४ जनामा कोरोना भाइरसको संक्रमण पुष्टि भएको छ। शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा डा. जागेश्वर गौतमले देशभरमा थप १ हजार ४५४ जनामा कोरोना भाइरसको संक्रमण पुष्टि भएको बताए।
यो नेपालमा एकै दिन संक्रमित हुनेमध्येको अहिलेसम्मकै उच्च संख्या हो। यस्तै थप ९७२ संक्रमित डिस्चार्ज भएको डा. जागेश्वर गौतमले जानकारी दिए। योसँगै कोरोना सङ्क्रमितको कुल संख्या ५१ हजार ९१९ पुगेको छ। संक्रमितमध्ये ३६ हजार ६७२ जना डिस्चार्ज भइसकेका छन्।
आइसीयुमा १७० जना रहेका छन् भने भेन्टिलेटरमा २५ जना उपचाररत छन्। १४ हजार ९२५ जना सक्रिय सङ्क्रमितको विभिन्न अस्पतालको आइसोलेसनमा उपचार चलिरहेको छ। क्वारेन्टाइनमा ६ हजार ७८ जना छन्।
यस्तै पछिल्लो २४ घण्टामा थप ५ जनाको मृत्यु भएको छ । योसँगै मृतक संख्या ३२२ पुगेको छ।
