उपत्यकामा थप ४५४ सहित थप १ हजार ३५९ मा कोरोना पुष्टि
काठमाडौं। देशभर थप एक हजार ३५९ मा कोरोना पुष्टि भएको छ। जसमा पुरुष ८९५ रहेका छन् भने महिला ४६४ रहेका छन्। यो सँगै नेपालमा अहिलेसम्म कोरोना सङ्क्रमितको संख्या ४४ हजार २३६ पुगेको छ।
शुक्रबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता जागेश्वर गौतमले देशभरमा थप १ हजार ३५४ जना कोरोना संक्रमित निको भएको बताए। यो सँगै हुनेको संख्या २५ हजार ५६१ जना रहेका छन्। यो ५८ प्रतिशत हो। त्यस्तै सक्रिय सङ्क्रमितको संख्या १८ हजार ४०७ रहेको छ।
साथै पछिल्लो २४ घण्टामा काठमाडौँ उपत्यकामा थप ४ सय ५४ मा कोरोना संक्रमण भएको छ। काठमाडौँमा ३८६, ललितपुरमा ३२ र भक्तपुरमा ३६ जनामा कोेरोना पुष्टि भएको हो।
