उपत्यकामा १८६ सहित थप ८८४ मा कोरोना पुष्टि, संक्रमित संख्या ३७ हजार नाघ्यो
काठमाडौं। पछिल्लो २४ घण्टामा थप ८८४ जनामा कोरोना संक्रमण पुष्टि भएको छ। देशभरका प्रयोगशालामा १० हजार ४७१ नमुना परीक्षण गर्दा २४२ महिला र ६५२ पुरुषमा संक्रमण पुष्टि भएको हो।
योसँगै नेपालमा कोरोना भाइरसबाट सङ्क्रमितको सङ्ख्या ३७ हजार ३४० पुगेको छ। थपिएका संक्रमितमध्ये १८६ जना काठमाडौं उपत्यकाका छन्। काठमाडौंमा १५५ जना, ललितपुरमा १९ जना र भक्तपुरमा १२ जना संक्रमित भेटिएका हुन्।
यस्तै देशभर पछिल्लोव २४ घण्टामा ३१३ जना निको भएर घर फर्किएका छन्। यससँगै अहिलेसम्म २०५५५ जना संक्रमित निको भएर घर फर्किएका छन्। त्यस्तै हाल देशभर सक्रिय संक्रमितको संख्या १६५७८ छ।
त्यसमध्ये १०१४५ जना संस्थागत आइसोलेसन र ६४४५ जना होम आइसोलेसनमा रहेका छन्।
