उपत्यकामा २२४ सहित थप ७४३ मा कोरोना पुष्टि
काठमाडौं। पछिल्लो २४ घण्टामा देशभर ७४३ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार १० हजार २ सय ३४ पीसीआर परीक्षणमा ७४३ जनामा संक्रमण पुष्टि भएको हो।
सोमबार सम्म कुल सङ्क्रमितको संख्या ३२ हजार ६७८ रहेका छन्। पछिल्लो २४ घण्टामा १७५ जना कोरोना संक्रमण निको भई डिस्चार्ज भएका छन्। सोमबार सम्म डिस्चार्ज हुनेको संख्या १८ हजार ८०६ रहेको छ।
पछिल्लो २४ घण्टामा काठमाडौं उपत्यकामा २२४ जनामा कोरोना संक्रमण पुष्टि भएको छ। मन्त्रालयका अनुसार काठमाडौं जिल्लामा १७७, ललितपुरमा ३३ र भक्तपुरमा १४ जनामा संक्रमण पुष्टि भएको छ।
