उपत्यकामा २१६ सहित थप ६३४ मा कोरोना पुष्टि
काठमाडौं। पछिल्लो २४ घण्टामा देशभर कोरोना भाइरसका ६३४ नयाँ संक्रमित थपिएका छन्। पछिल्लो २४ घण्टामा गरिएको १२ हजार ५१९ जनाको पीसीआर परीक्षणमा १८२ महिला र ४५२ जना पुरुषमा संक्रमण देखिएको स्वास्थ्य मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले जानकारी दिए।
यो सँगै नेपालमा संक्रमित हुनेको संख्या ३१ हजार ११७ पुगेको छ। यस्तै संक्रमणमुक्त हुनेको दर ५९ प्रतिशत छ। पछिल्लो २४ घण्टा १३६ जना संक्रमणमुक्त भएका छन्। यससँगै संक्रमणमुक्त हुनेको संख्या १८ हजार ३५० पुगेको छ।
साथै काठमाडौं उपत्यकामा शनिवार २१६ जना कोरोना संक्रमित थपिएका छन्। काठमाडौंमा १६०, भक्तपुरमा ५० र ललितपुरमा ६ जना संक्रमित थपिएका छन्।
