काठमाण्डौमा ५१ सहित थपियो ४१८ जनामा कोरोनाको संक्रमण पुष्टि, संक्रमितको संख्या २० हजार ७५० पुग्यो
काठमाडौँ, १९ साउन – नेपालमा आज थप ४१८ जनामा कोरोनाभाइरस सङ्क्रमण पुष्टि भएको छ।
स्वास्थ्य तथा जनसंख्या मन्त्रालयले गरेको ‘प्रेस ब्रिफिङ’मा मन्त्रालयका प्रवक्ता डा. जागेश्वर गौतमले पछिल्लो २४ घन्टामा काठमाण्डौमा ५१ सहित ४१८ जनामा कोरोनाको संक्रमण देखिएको बताउनुभएको छ । योसँगै नेपालमा कुल संक्रमितहरुको संख्या २० हजार ७५० पुगेको छ । त्यस्तै नेपालमा कोरोनाको संक्रमणबाट मृत्यु हुनेको कुल संख्या ५७ पुगेको छ ।
नेपालमा कोरोनाभाइरस संक्रमणबाट निको हुनेको संख्या १४ हजार ९६१ पुगेको छ । पछिल्लो २४ घन्टामा ३५८ जना डिस्चार्ज भएका छन् ।
