ताप्लेजुङमा थप एक जनामा कोरोना पुष्टि, दुई जना डिस्चार्ज
ताप्लेजुङ। ताप्लेजुङमा बुधवार थप २ जना कोरोना सङ्क्रमित निको भएर घर फर्किएका छन्। सङ्क्रमित २ सहित ३० जनाको पीसीआर परीक्षणका लागि पठाइएकोमा उनीहरूसहित २९ जनाको परीक्षण रिपोर्ट नेगेटिभ र एक जनाको पोजेटिभ आएको छ।
साउदी अरबबाट फर्किएका मेरिङ्देन गाउँपालिकाका ४२ वर्षे पुरुष कोरोना परीक्षण रिपोर्ट पोजेटिभ आएको हो। उनी ताप्लेजुङमा पहिलो पटक भेटिएका कोरोना सङ्क्रमित सँगै क्वारेन्टाइनमा बसेका थिए। पहिलो कोरोना सङ्क्रमित पनि निको भएर घर फर्किएका छन्।
बुधवार थपिएका १ जना कोरोना सङ्क्रमितलाई अहिले क्वारेन्टाइन रहेकै केन्द्र भानुजन माविको आवास कक्षमै राख्ने तयारी गरिएको बताइएको छ।
