डा.माबोको डोलीभर्ना कथासंग्रह विमोचन हुदै
काठमाडौं । ताप्लेजुङको सिरिजंघा गाँउ पालिका उपाध्यक्ष तथा साहित्यकार डा. चित्र माबोको पहिलो कथासंग्रह डोलीभर्ना साउन ४ गते शुक्रबार लोर्कापण हुदैछ ।
नेपाल प्रज्ञा प्रतिष्ठान, कमलादीको लेखनाथ कक्षमा शुक्रवार दिउँसो ३ बजे विमोचन हुने कार्यक्रम रहेको डोलिमनका लेखक माबोले बताएका छन ।
सो कथासंग्रहमाथि प्रतिष्ठानका सदस्य सचिव डा. धनप्रसाद सुवेदी र साहित्यकार प्रनिका कोयूले वक्ताका रुपमा आफ्नो धारणा राख्नेछन् ।
नेपाली साहित्यमा विद्यावारिधी गर्नुभएका माबो पूर्वी पहाडको जनजीवन, बर्षौदेखिको सामाजिक सद्भाव, लिम्बू जातिको पवित्र मुन्धुम, सस्कार, संस्कृतिदेखि समसामयिक विषय समेत टिपेर लेखिएका १५ वटा कथाहरु डोलीभर्नामा संग्रहित छन् । सो कथा संग्रहलाई संग्रीला बुक्सले बजारमा ल्याएको हो ।
